Bhola Shankar : మరికొన్ని గంటల్లో 'భోళా శంకర్' టీజర్.. ఫుల్ ఖుషీలో మెగా అభిమానులు
దిశ, వెబ్ డెస్క్ : మెగాస్టార్ చిరంజీవి, దర్శకుడు మెహర్ రమేష్ కాంబినేషన్ లో వస్తున్న మూవీ 'భోళా శంకర్'. ఇప్పటికే ఈ చిత్రం పూర్తి షూటింగ్ ను పూర్తి చేసుకుంది. ఆగస్టు 11న థియేటర్లలో సందడి చేయనుంది. దీంతో ఇప్పటికే చిత్ర యూనిట్ ప్రమోషన్స్ షురూ చేశారు. శనివారం సాయంత్రం 'భోళా శంకర్' టీజర్ విడుదల చేసేందకు గాను గ్రాండ్ ఈవెంట్ ను కూడా ప్లాన్ చేశారు. ఈ మేరకు నిర్మాతలు అధికారిక ప్రకటన చేశారు. దీంతో మెగా అభిమానుల్లో తీవ్ర ఆసక్త, ఆనందం నెలకొంది. ఈ మూవీలో మెగాస్టార్ చిరంజీవి మరోసారి ఊర మాస్ రోల్ లో సందడి చేయనున్నారు. ఆయన లుక్స్ వింటేజ్ చిరును గుర్తు చేసేలా ఉంటాయని చిత్ర యూనిట్ తెలిపింది.
24న, సాయంత్రం 4 గంటల నుంచి భోళా శంకర్ టీజర్ రిలీజ్ ఈవెంట్ ను నిర్వహించనున్నారు. ఈ కార్యక్రమంలో చిత్ర యూనిట్, చిత్ర ప్రముఖులు పాల్గొంటారు. 'భోళా శంకర్' మూవీ తమిళ హిట్ సినిమా వేదాళం రీమేక్. అజిత్ హీరోగా నటించిన ఆ మూవీ తమిళనాడులో భారీ విజయం సాధించింది. దీంతో 'భోళా శంకర్' తో చిరంజీవి బాక్సాఫీస్ షేక్ చేస్తారని మెగా ఫ్యాన్ ఫిక్స్ అయ్యారు. ఈ మూవీలో చిరంజీవి చెల్లెలుగా కీర్తి సురేష్ నటించడం మరో విశేషం. ఓ స్టార్ హీరోయిన్ చెల్లెలు పాత్ర చేయడం అరుదైన విషయమే. అన్న చెల్లెలు సెంటిమెంట్ సినిమాకు హైలెట్ గా నిలవనుంది. అదేవిధంగా మిల్కీ బ్యూటీ తమన్నా మెగాస్టార్ కు జంటగా నటిస్తోంది.
Read More... Prabhas: డార్లింగ్ కి విదేశాల్లో అన్ని ఆస్తులా...!
